http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV

Situata në Lindjen e Mesme vazhdon të mbetet e tensionuar. Përplasjet mes Palestinezëve dhe Izraelitëve kanë shpërthyer sërish pas lutjeve të së premtes. Protesta u bë kundër vendimit te presidentit Trump për njohjen e Jerusalemit si kryeqytet të Izraelit.



Katër palestinezë u vranë dhe qindra u plagosën gjatë përplasjeve në Bregun Perëndimor dhe në Gaza.



Rreth 2,500 palestinezë dogjën goma dhe hodhën molotov e gurë ndaj policisë në disa qytete të Bregut Perëndimor.



Dhjetëra mijëra besimtare që ishin të pranishëm në xhaminë Al-Aksa në qytetin e vjetër të Jerusalemit për lutjet e së premtes, u bënë pjesë e protestës.



Disa mbanin ne duar edhe flamujt e vendeve më kritike ndaj vendimit të Trump, Turqisë dhe Malajzisë.



Ministria e Shëndetësisë deklaroi se të paktën 360 persona u plagosën.



Forcat izraelite përdorën gaz lotsjellës dhe plumba gome për të shpërndarë demonstruesit.



Që nga njoftimi i Trump më shumë se një javë më parë, 16 raketa janë hedhur nga Gaza në Izrael.