http://www.vizionplus.tv
https://facebook.com/VizionPlusTV
https://twitter.com/VizionPlusTV
Ish-kryeministri maqedonas Nikolla Gruevski përsëriti ofertën drejtuar rivalit politik Zoran Zaev, qe te heqe dore nga platforma shqiptare ne këmbim te mbështetjes se VMRO-DPMNE per qeverinë e re. ?LSDM duhet publikisht dhe qartësisht te denoncoje platformën e Tiranës dhe elementet qe do te ripërcaktonin republikën e Maqedonisë, qe nga një shtet multienik do te mbetej me dy etni. Ne e përsërisim kërkesën tone. Nese Zaev heq dore nga platforma, ne do te votojmë dhe mbështesim nje qeveri te tij?. Ne deklaratën e VMRO theksohet se nese platformën shqiptare Zaev e sheh si pozitive per te ardhmen, duhet t?ua paraqesë qytetareve ne zgjedhjet e reja parlamentare. Nga ana tjetër presidenti Ivanov ka heshtur pas afatit 10 ditor qe Zaev i ka lene per t?i dhënë mandatin per formimin e qeverise. Ai paralajmëroi mbajtjen e nje vizite te gjate ne Australi ne javen e fundit te marsit dhe nuk dihet nese do te ndryshoje qëndrim per mosdhënien e mandatit, qe e lidh me kundërshtimin e platformës shqiptare. Pas publikimit te programit te Zaev, ku ai sqaroi se nuk do te kete ndryshim, partitë shqiptare nuk kane preferuar te bejne komente te gjata, ndërsa Lëvizja Besa theksoi se kjo do te ndodhe pasi lideri socialdemokrat te marre mandatin.