Subscribe në Ora News këtu http://bit.ly/1s5j7UT

Kreu i Partisë Demokratike shpalli sot vendimin e opozitës për të vijuar protestat në shesh deri në realizimin e kauzës për të cilën organizuan manifestimin e sotëm: Organizimin e zgjedhjeve të lira dhe të ndershme.
Ky objektiv, tha Basha, mund të arrihet vetëm duke shporrur këtë qeveri të krimit dhe korrupsionit dhe ngritjen e një qeveri teknike.
Basha: Do qëndrojmë këtu në këtë shesh derisa të mundësojmë një herë e mirë zgjedhje të lira dhe të ndershme. Unë do të qëndroj këtu në shesh, ju ftoj edhe ju. Zgjedhjet e lira cdhe të ndershme vinë vetëm përmes shporrjes së qeverisë së krimit dhe korrupsionit dhe ngritjen e një qeverie teknike.
Duke folur para protestuesve, Basha tha se ose do ketë zgjedhje të lira ose nuk do ketë zgjedhje fare në qershor.
Ai tha se PD nuk do të pranojë një proçes zgjedhor sa për fasadë dhe të njollosur nga vjedhja e votave.

Për më shumë lexoni në: http://www.oranews.tv/vendi/basha-pd-e-vendosur-ose-zgjedhje-te-ndershme-ose-nuk-do-kete-zgjedhje/