http://www.vizionplus.tv
https://facebook.com/VizionPlusTV
https://twitter.com/VizionPlusTV
As kryeqyteti nuk i ka shpëtuar temperaturave disa grade nen zero. Si rralle here, ne Tirane edhe rubinetat e çezmave kane ngrire. Banore te shtëpive private apo pallateve ekzistuese, thonë se prej ditësh nuk furnizohen me ujë. Çezmat dhe depozitat mbi pallate janë ngrire tërësisht. Banore te hershem te Tiranës, tregojnë se ky i ftohte me këto pasoja, nuk ka ndodhur prej tre dekadash ne kryeqytetet. I ftohti i madh ka shkaktuar çarje te tubacioneve, depozitave madje dhe sahateve te ujit. Drejtues te Ujësjellës Kanalizimeve tregojnë se per here te pare, përballen me nje situate te pazakonte nga ngricat. Evis Gjebrea, nendrejtoresha e UKT-se, sqaron se rrjeti i shpërndarjes deri ne hyrje te pallateve apo banesave private, qe është kompetence e kësaj kompanie, nuk ka probleme. Megjithatë, krerë te ujësjellësit këshillojnë banoret te përdorin metoda te ndryshme për kthimin ne normalitetit te tubacioneve te ngrira. Edhe ujësjellësi ka ngritur shtabet e emergjencës për çdo avari qe mund te shkaktohet nga moti i ftohte. Ndërsa per familjet qe i ftohti ka shkaktuar çarje te sahateve te ujit, Bashkia e Tiranës dhe Ujësjellësi ka vendosur zëvendësimin e tyre pas asnjë kosto.