Babai i Pëllumb Marnikollajt i cili humbi jetën në një prej komisariateve të policisë së Athinës, në një deklaratë për mediat ka thënë se djali i tij është vrarë nga policia greke, ndërkohë që ka bërë thirrje që të zbardhet ngjarja dhe të dënohen autorët.

?Djali im është vrarë dhe ngjarja nuk ka ndodhur aksidentale. Pasi e kanë vrarë autoritete Greke janë munduar që të fshehin gjurmët. Ne si familje do të ndjekim çështjen në rrugë ligjore për të zbuluar të vërtetën e kësaj ngjarje të rëndë." tha ai.

Familjaret e 28-vjeçarit thonë se nuk kanë marrë ende asnjë përgjigje nga ekspertiza që i është bërë trupit të viktimës, ndërsa apeli i tyre është që ngjarja të zbardhet sa më parë dhe autoret të vihen para drejtësisë.