http://www.vizionplus.tv
https://facebook.com/VizionPlusTV
https://twitter.com/VizionPlusTV
Çdo dalje publike, demokratet e kanë shfrytëzuar për të komentuar situatën e rendit në vend. Edhe takimin për autonominë vendore me krerët demokratë të pushtetit lokal, Lulzim Basha në cilësinë e kryebashkiakut të Tiranës e ka nisur fjalimin me situatën e rendit dhe sigurisë. Sipas kryetarit të bashkisë, policia po përdoret politikisht nga drejtuesit e qeverisë, ndërsa iu beri apel efektive të zbatojnë ligjin dhe jo vendimet politike. Kryetari Basha akuzoi qeverinë e majtë për shkelje të autonomisë vendore, bllokim të punës së pushtetit lokal dhe shërbimeve ndaj qyteteve. Kryebashkiaku e ka cilësuar absurd bllokimin e fondit për të pastrehët, mosdhënien e një zgjidhje për transportin urban si dhe bllokimin e buxhetit jo vetëm në Tiranë por dhe njësi të tjera vendore.