Dy shtëpi janë djegur nga zjarri i rënë në Bushat të Shkodrës. Era e fortë po favorizon përhapjen e flakëve duke vënë në rrezik banesa të tjera.

Në vendngjarje ndodhet zjarrfikësja dhe ekipet për shuarjen e zjarrit. Në ndihmë të punonjësve zjarrfikës janë edhe banorët.

Situata në Bushat është më problematike. Sipas raportimeve të para nga flakët kanë shpërthyer edhe disa municione në një repart ushtarak, duke djegur një pjesë të tij. Në rrezik janë edhe antenat e transmetimit televiziv.

Flakët kanë përpirë edhe malin e Taraboshit. Terreni i thyer malor dhe era e forte po vështirëson punën e ekipeve zjarrfikëse në izolimin e flakëve që rrezikojnë banesat dhe bizneset aty afër.

Probleme vërehen edhen në Orosh të Mirditës.

Zjarri pranë Kishës së Laçit, mbi kurorën e qytetit është riaktivizuar sërish dhe po punohet për shuarjen e tij.

Në 24 orët e fundit në gjithë vendin janë shënuar 10 vatra zjarri, kryesisht në veri të vendit, disa prej të cilave janë ende aktive, ndërsa në qarkun e Tiranës dhe Elbasanit janë shuar./Tv Klan