Gruaja e cila u godit me pëllëmbë nga një efektiv i policisë gjatë protestës së shoqërisë civile në parkun e Liqenit, menjëherë pas lirimit, kërkoi dorëheqjen e Ministrit të Brendshëm Saimir Tahiri.

?Me këtë që ndodhi sot ministri i rendit duhet të japë dorëheqjen në qoftë se ai nuk jep dorëheqjen kjo është deklarata që sot bëhet që në Shqipëri ka filluar diktatura, diktatura e hajdutërisë,? është shprehur gruaja për mediat.

Ndërsa anëtarët e shoqërisë civile u shprehën se nuk do të lejojnë të ndërtohet këndi i lojërave te Parku i Liqenit Artificial duke paralajmëruar protesta të tjera.