http://www.vizionplus.tv
https://facebook.com/VizionPlusTV
https://twitter.com/VizionPlusTV
Kreu i policisë shqiptare deklaroi nga Korça, se uniformat blu kryejnë të gjitha funksionet e tyre sipas ligjit në Lazarat dhe në të gjitha zonat e tjera të etiketuara si rajone të kultivimit të lëndëve narkotike. I pyetur nga gazetarët për situatën e krimit në vend, Didi nënvizoi rritjen e efektivitetit të policisë, që sipas tij ka çuar edhe në rritjen e besimit tek qytetarët. Deklaratat e kreut të policisë së shtetit në qytetin juglindor u bënë pas një aktiviteti të organizuar me rastin e çeljes së fushatës kundër dhunës në familje, ku krahas personaliteteve të tjerë ishte i pranishëm edhe ambasadori i OSBE-së.