http://www.vizionplus.tv
https://facebook.com/VizionPlusTV
https://twitter.com/VizionPlusTV
Segmente të tilla të dëmtuara përgjatë Rrugës së Kombit janë të shumta. Që prej tre vitesh në investimin madhor që kushtoi më shumë se 1 miliardë euro nuk është bërë asnjë investim serioz për mirëmbajtjen dhe rruga po shkon drejt degradimit. Fondet për mirëmbajtje janë dhënë, por siç duket nga pamjet ato nuk janë shfrytëzuar për këtë qëllim. Aksidentet e shumta kanë lënë pasoja jo vetëm në humbjen e jetës së udhëtarëve, por dhe dëme kolosale në mbrojtëset apo trafikndarëset në rrugë. Mungesa e brezave të sigurisë bën që masive të mëdha me gurë e inerte të bien nga shpatet mbi rrugë ndërsa rrjetat mbrojtëse tashmë kanë dalë jashtë funksionit dhe kudo nëpër rrugë ndesh me gurë që bien nga shpatet. Përdoruesit e rrugës ndiejnë përditë pasigurinë gjatë udhëtimit. Që nga muaji maj askush nuk përgjigjet për mirëmbajtjen e rrugës. Një tender që zgjat pambarimisht do të përzgjedhë një firmë që do të mirëmbajë rrugën, e cila duket e shkretë pasi makineritë dhe punonjësit nuk duken përgjatë saj.