Moti i keq qe ka mbërthyer te gjithe territorin e vendit po shkakton izolime te banoreve ne zonat malore, probleme ne qarkullim dhe mungesa te zgjatura te energjisë elektrike.
Reshjet e dendura te dëborës dhe ngricat ne Tropojë kane kane demtuar rende rrjetin elektrik. Prej tre ditesh banoret e Tropojës e kane kaluar te ftohtin pa energji elektrike. Gjate një mbledhje urgjente te emergjencave civile, drejtuesit vendore dhe përfaqësues te CEZ ne Tropojë kane deklaruar situatën e rende ne këtë zone veriore. Vetëm mbrëmjen e se henes Tropoja eshte furnizuar me energji nga qyteti i Bajram Currit. Ndërkohë, moti i keq ka shkaktuar bllokime me ngrica dhe reshje dëbore ka shkaktuar defekte te shumta ne Has dhe Kukës. Reshje intensive gjate mesnatës kane përkeqësuar situatën ne qarkun verior. Ne qytetin e Kukesit trashësia e dëborës ka arritur ne gjysme metri ndërsa ne zonat rurale i ka kaluara 70 centimetra. Thuajse ne te gjitha rrugët nacionale lëvizet me shume vështirësi dhe vetëm me zinxhirë per automjete e vogla. Ndërsa per mjetet e renda është ndaluar qarkullimi. Ne shume akse lëvizet vetëm me zinxhirë. Ndërsa shume zonat e thella konfirmohen te izoluara. Krahas ndërprerjes se qarkullimit per çdo lloj mjeti, ne keto zona edhe shkollat jane mbyllur. 10 borëpastruese kane nisur punen per largimin e debores nga rruget. Me rendimin e situatës ne qarkun e Dibrës, drejtoria rajonale përfundoi tenderimin per mirëmbajtjen dhe pastrimin e rrugëve. 6 borëpastruese kane nisur punën ne rrugët nacionale. Vetem me ndihmen e zinxhirëve jane te kalueshme rrugët Peshkopi-Kukes dhe Peshkopi-Tirane. Ndërsa jane bllokuar tërësisht 6 komuna pasi atje dëbora ka arritur ne nje metër. Edhe juglindja e vendit, eshte përshirë nga reshjet e dendura te dëborës, bllokimet e rrugëve dhe zonave te thella. 10 borëpastruese jane vene ne pune ne qarkun e Korçës per heqjen e dëborës. Drejtues te mjeteve thonë se edhe ne akset nacionale nuk mund te lëvizet pa zinxhirë. Ne Korçe temperaturat sot shenuan -7 grade. Sipas banoreve ky i ftohte mund te përballohet vetem nëpërmjet ngrohjes me dru. Problematike është situata edhe ne qarkun e Shkodres, Lezhes, Elbasanit, Vlores, Gjirokastrës dhe Beratit. Akse te shumta nacionale dhe rurale jane mbuluara nga dëbora duke vështirësuar qarkullimin e mjeteve dhe ne disa raste kane shkaktuar edhe bllokime. Policia e shtetit duke publikuar segmentet problematike dhe ata te pakalueshëm apel për kujdes ndaj te gjithë drejtuesve te mjeteve te cilët detyrimisht duhet te përdorin zinxhirë.