Peshku në Lezhë tregtohet jashtë cdo kushte higjeno sanitare dhe pa asnjë lloj mbrojtje nga agjentët e jashtëm. Sic duket në këto pamje, tregtarët e ekspozojnë peshkun në govata e në trotuare si dhe të pushtuar nga insektet, duke përbërë kështu një rrezik evident për konsumatorët. Inspekltorë të autoritetit kombetar te ushqimit ne lezhe kanë kryer një inspektim lidhur me këtë situatë. Ata kanë paralajmeruar tregtarët të marrin masa ose të largohen, në të kundërt malli i tyre do të sekuestrohet. Inspektimet do të vijojnë dhe do të jenë të përqëndruara jo vetëm në qendrat urbane, por edhe në akset kryesore ku tregtohen produktet e detit.