Kryetari i ri i komunës së Gostivarit Nevzat Bejta, nisi sot ditën e parë të punës në këtë komunë, me një manifestim solemn dhe artistik. Në një fjalim para qytetarëve, Bejta tha se "ne vijmë për të realizuar platformën tonë që premtuam para qytetarëve, sepse ndryshimet në Gostivar filluan me ne dhe do të vazhdojnë me ne". Kryetari i ri i Gostivarit, Nevzat Bejta përmendi si projekt të parë, stacionin filtrues për ujin e pijshëm për qytetin.

"Ne vijmë për të realizuar programin që ne e premtuam për qytetarët tonë, ne vijmë që ti ofrojmë dhe bashkojmë qytetarët, ne vijmë që qytetarët tonë të kenë dashuri ndaj njëri tjetrit,sepse vetëm me dashuri unitet dhe bashkim, ne së bashku mundë ta ndërtojmë qytetin tonë dhe së bashku mundë ta realizojmë programin tonë. Të nderuar vëllezër e motra, neve na presin shumë obligime urgjentisht qytetarët e Gostivarit kanë nevojë për uj të pastër, prandaj në bashkëpunim me qeverisjen qendrore, ministrinë e Ekologjisë, ne do e përfundojmë stacionin filtrues dhe qytetarët e Gostivarit do të pinë ujë të pastër të pijshëm", deklaroi Nevzat Bejta, kryetar i Komunës së Gostivarit. Alsat-M