CM Eknath Shinde: 'आमच्या पंतप्रधानांचा अपमान खपवून घेणार नाही'; सभागृहात मुख्यमंत्री शिंदे आक्रमक

विधीमंडळाच्या आवारात काल (२३ मार्च) सत्ताधाऱ्यांनी काँग्रेस अध्यक्ष राहुल गांधी यांच्या फोटोला जोडे मारून आंदोलन केलं. राहुल गांधी यांच्या स्वातंत्र्यवीर सावरकरांबद्दलच्या वक्तव्याचा निषेध करण्यासाठी हे आंदोलन करण्यात आलं होतं. विधीमंडळाच्या आवारात अशा प्रकारचं आंदोलन अशोभनीय असल्याचे म्हणत काँग्रेस नेत्यांनी याप्रकरणी कारवाईची मागणी केली होती. त्यावर मुख्यमंत्री एकनाथ शिंदे यांनी आक्षेप घेतला. 'तुमचे नेते आमच्या पंतप्रधानांचा अपमान करत असतील, तर आम्ही ते खपवून घेणार नाही. तुम्ही वारंवार देशाचा, पंतप्रधानांचा, सावरकरांचा अपमान करत असाल, तर कोण खपवून घेणार? सगळ्यांनीच बोलताना तारतम्य पाळलं पाहिजे' असं शिंदे म्हणाले