જોધપુરના શેરગઢમાં લગ્ન સમારોહ દરમિયાન એક મોટી દુર્ઘટના બની. અહીં ગેસ સિલિન્ડર ફાટવાથી 60 લોકો દાઝી ગયા હતા. કેટલાક ગ્રામજનોએ આવીને આગને કાબુમાં લીધી હતી. આગમાં ફસાયેલા લોકોને બહાર કાઢીને હોસ્પિટલ લઈ જવામાં આવ્યા હતા. આ અકસ્માતમાં વરરાજાના માતા-પિતા અને બહેન પણ ફસાઈ ગયા હતા. જેમાંથી બહેનની હાલત ગંભીર હોવાનું કહેવાય છે. તો આ અકસ્માતમાં બે બાળકોના મોત થયા છે.

જોધપુરના શેરગઢ વિધાનસભા ક્ષેત્રના ભૂંગરા ગામમાં એક લગ્ન સમારોહના આયોજન દરમિયાન મીઠાઈની પાસે ગેસ સિલિન્ડર ફાટતા દર્દનાક અકસ્માત થયો. ગેસ સિલિન્ડર ફાટવાને કારણે ઘરમાં હાજર 60 મહિલાઓ, પુરૂષો અને બાળકો દાઝી ગયા હતા. અચાનક સિલિન્ડર વિસ્ફોટના કારણે લગ્ન પ્રસંગમાં અરાજકતાનો માહોલ સર્જાયો હતો. સળગેલા લોકોએ ચીસો પાડીને પોતાને બચાવવાનો પ્રયાસ શરૂ કર્યો. કેટલાક ગ્રામજનોએ આવીને આગને કાબુમાં લીધી હતી. આગમાં ફસાયેલા લોકોને બહાર કાઢીને હોસ્પિટલ લઈ જવામાં આવ્યા હતા.