Ekspertët e ekonomisë e shohin nismën e qeverisë për amnistinë fiskale pozitive por që nuk shmanget dot pastrimi i parave. Sipas tyre vendi nuk ka mekanizma për të shmangur paratë e krimit. Projektligji ?Për amnistinë fiskale dhe penale për subjektet që bëjnë deklarim vullnetar të pasurive? është hedhur për diskutim dhe së shpejti do të shkojë në Kuvend për miratim. Zef Preçi, ekspert i ekonomisë u shpreh për Wake Up se, në parim asnjë nuk mund të jetë kundër një amnistie por mund të jenë kundër qëllimit dhe synimit të kësaj nisme dhe kujt i shërben ajo.
"Në parim askush nuk mund të jetë kundër një amnistie ndonëse amnistia nuk është një ligj i zakonshëm që kalohet pse një shumicë e caktuar ka votat në kuvend. Amnistia për të qenë e suksesshme ka tre kushte: E para do një konsensus midis qytetarëve dhe bizneseve që paguajnë rregullisht taksat, e dyta do konsensus me opozitën politike, që të mos jetë si te ajo fabula e qengjit që ushqehet por që mbikqyret nga ujku, ç'ka do të thotë nuk jep efekt dhe e treta është konsensusi me institucionet financiare ndërkombëtare, dhe kjo është e domosdoshme me vende të varfra me institucione që nuk funksionojnë si duhet dhe që kanë korrupsion të lartë, siç është vendi ynë. Duhen sqaruar dy anë të amnistisë: E para, cili grup shoqëror disponon para, pavarësisht nëse janë të pastra apo vijnë nga aktivitete kriminale dhe, së dyti çfarë synon amnistia. Si rregull amnistia synon që të bëjë një vit fiskal ndryshe, të bëjë një llogari ndryshe me të shkuarën. Se dyti synon që ato biznese që janë jashtë sistemit të futen në sistem dhe të jenë kontribues për periudhat e ardhshme dhe, së treti synon të rikthejë në atdhe shuma parash të ligjshme që për arsye të ndryshme janë larguar. Shqipëria është në kuadrin e përpjekjes së parë; domethënë që qeveria në kushtet kur janë humbur 60-70 mijë vende pune e ku pritet një thellim i papunësisë, ku të ardhurat buxhetore për shkak të rënies së konsumit kanë rënë dhe ku pritet që kreditit të buxhetit t'i mungojnë 10% e DGP, në këto kushte qeveria shpreson të shtojë të ardhurat buxhetore përmes këtij mekanizmi. Në të njëjtën kohë duhet pranuar nëse ishin tre kushte bazë për të pasur një amnisti të suksesshme, që dy prej tyre kanë rënë; opozita është prononcuar kundër dhe institucionet ndërkombëtare financiare, konkretisht FMN është deklaruar në mënyrë publike kundër kësaj nisme. Në të njëjtën kohë duhet pranuar se ka një mungesë transparence me grupin shoqëror që disponon para dhe të krijohet indirekt përshtypja që po krijohet një kanal që legjitimon paratë e akumuluara, sidomos nga vitit 2016 nga aktivitetet kriminale kryesisht droga dhe grupi shoqëror më i interesuar ata që në publik njihen lirshëm si oligarkët dhe njëkohësisht persona me precedentë penal etj."- sqaroi qëndrimin e tij mbi këtë projektligj, eksperti i ekonomisë Preç Zogaj.


Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/...