Konferenca e donatorëve ku Shqipërisë ju premtuan 1.15 miliardë euro grante dhe kredi nuk i ka ndryshuar planet e qeverisë për të dalë sërish në tregjet ndërkombëtare për borxh. Ministria e Financave çeli këtë të hënë për herë të dytë garën për përzgjedhjen e bankave që do të marketojnë Shqipërinë në tregjet financiare të europës si dhe do të udhëheqin emetimin e eurobondit.


Ky është tenderi i dytë, pasi i pari dështoi. I zhvilluar në datën 4 shkurt, në të paraqitën ofertë vetëm dy banka relativisht të vogla, të cilat nuk garantonin emetimin me sukses të eurobondit. Rrjedhimisht ministria e financave e anuloi duke e rihapur sërish garën këtë të hënë dhe duke caktuar si afat për dorëzimin e ofertave datën 4 mars.

Përgjithësisht emetimi i eurobondeve shqiptare është udhëhequr gjithmonë nga banka gjigande në arenën ndërkombëtare si JP Morgan, Goldman Sachs apo dhe Deutsche Bank. Por në tenderin e parë që u zhvillua në katër shkurt ofertat e këtyre bankave munguan.

Sipas thirrjes së shpallur, qeveria synon të marrë 600 milionë euro përmes eurobondit të radhës. Sipas saj pjesa më e madhe e parave do të përdoren për të zëvendësuar borxhin ekzistues, ndërsa vetëm një pjesë është borxh i ri shtesë që do të përdoret për financimin e deficitit buxhetor të këtij viti.

Herën e fundit Shqipëria doli në tregjet ndërkombëtare në fund të vitit 2018. Në atë kohë ministria e financave kontraktoi 500 milionë euro borxh me afat 7 vjeçar dhe interes prej 3.5 për qind. Këtë herë qeveria kërkon të marrë 600 milionë euro me afat shlyerje nga 7 deri në 10 vjet.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV

Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Eurobond#TopChannel