સુરતઃ ઉકાઈ ડેમમાંથી પાણી છોડવામાં આવતા હાલ તાપી નદી બે કાંઠે વહી રહી છે જેમાં કતારગામ અને રાંદેર વચ્ચે તાપી નદીમાં નવ જેટલા કૂતરાઓ ફસાઈ ગયા હોવાની જાણ થતા ફાયર વિભાગનો કાફલો દોડી ગયો હતો અને કૂતરાઓનું રેસ્ક્યુ ઓપરેશન હાથ ધરવામાં આવ્યું છે

ફાયર ઓફિસર વસંત સૂર્યવંશી એ જણાવ્યું હતું કે, કતારગામ રાંદરેને જોડતા તાપી નદી પરના બ્રિજ પરથી લોકોએ કૂતરા ફસાયા હોવાનું જણાયું હતું જેથી ફાયર વિભાગને જાણ કરવામાં આવી હતી અને ફાયર વિભાગનો કાફલો ઘટના સ્થળે પહોંચ્યો હતો મોરા ભાગળ ફાયર ટીમના 5 જવાનોને હાલ તાપીના પાણીમાં ઉતારાયા છે તેમજ અડાજણ ફાયર સ્ટેશન પાસેથી બોટની મદદ માંગી છે અને તમામ શ્વાનને બચાવી લેવાના તમામ પ્રયત્નો કરી રહ્યા છે