Grabitjet në qytetin e Vlorës janë kthyer në një shqetësim për banorët e qytetit bregdetar.

Denoncimet kanë qenë të shumta në polici por në të shumtën e rasteve ato nuk janë zbardhur.

Një denoncim ka ardhur edhe në redaksinë e televizionit Report Tv ku një qytetar i Vlorës denoncon vjedhjen e makinës së tij nga 3 persona. Kushtrim Bilaj tregon se autorët si fillim i kanë hyrë në banesë natën e 31 dhjetorit të vitit 2018 dhe i kanë marrë gjëra me vlerë si edhe një kopje të çelësit të makinës.

Më pas ato sipas Bilaj kanë ndjekur çdo hap të tij dhe më datë 1 Janar rreth orës 00:15 i kanë vjedhur automjetin tip Benz me targat AA677UO. Ngjarja ka ndodhur në një kohë që pronari dhe familja e tij ka qenë duke festuar Vitin e Ri në Nartë, në shtëpinë e vjehrrit.

Tre grabitësit duken qartë edhe nga pamjet filmike që Reprot Tv ka siguruar.

Pronari i automjetit, Kushtrim Bilaj, apelon që të zbardhet ngjarja, pasi frika e përdorimit të automjetit për çdo ngjarje kriminale nga 3 autorët e grabitës mund të jetë e madhe. E njëjta situatë është përsëritur edhe mbrëmjen e se enjtes, ku një BMV X6 është grabitur në rruga sapo pronari i saj ka hyrë në një dyqan.