Harish Shankar gives clarity on rumors. Harish is not directing Kalyaan Dhev
#HarishShankar
#KalyaanDhev

గబ్బర్ సింగ్ దర్శకుడు హరీష్ శంకర్ తదుపరి చిత్రం విషయంలో సస్పెన్స్ కొనసాగుతోంది. హరీష్ శంకర్ చివరగా తెరకెక్కించిన డీజే చిత్రం కమర్షియల్ గ విజయం సాధించింది. కమర్షియల్ చిత్రాలని తెరకెక్కించడంలో హరీష్ శంకర్ ప్రతిభావంతుడని ప్రత్యేకంగా చెప్పనవసరం లేదు. మిరపకాయ్, గబ్బర్ సింగ్, సుబ్రహ్మణ్యం ఫర్ సేల్, డీజే వంటి హిట్స్ హరీష్ ఖాతాలో ఉన్నాయి. తన గురించి వస్తున్న రూమర్స్ పై తాజాగా హరీష్ స్పందించాడు.
విజేత చిత్రంతో ఇటీవలే మెప్పించిన మెగాస్టార్ చిన్నల్లుడు కళ్యాణ్ దేవ్ తదుపరి చిత్రం విషయంలో ఊహాగానాలు మొదలయ్యాయి. ఆ ఊహాగానాలు హరీష్ శంకర్ తో ముడిపడి ఉండడం విశేషం. హరీష్ శంకర్ త్వరలో కళ్యాణ్ దేవ్ ని డైరెక్ట్ చేయబోతున్నాడని సోషల్ మీడియా కోడై కూస్తోంది.
ఈ వార్తలపై హరీష్ శంకర్ స్పందించాడు. కళ్యాణ్ దేవ్ ని డైరెక్ట్ చేయబోతున్నానంటూ వస్తున్న వార్తల్లో వాస్తవం లేదని, తన తదుపరి చిత్రం గురించి త్వరలోనే వివరాలు వెల్లడిస్తానని హరీష్ పేర్కొన్నాడు.