15 familje kanë kaluar natën jashtë, në qiell të hapur, për shkak të lëkundjeve të shumta, të cilat mund të përsëriten. Report Tv ka shkuar këtë mesditë te banesat e dëmtuara, ku banorët kanë rrëfyer tmerrin nga lëkundjet e fuqishme. Banorët kanë rrëfyer për Report Tv tmerrin e përjetuar, teksa shprehen se kanë kaluar natën jashtë, në hënë nga frika e lëkundjeve.

-Kam ulëritur jashtë mase. Çfarë të them, ja siç e shikoni dhe vetë. Kemi fjetur jashtë në hënë, vaki kam, pres njerëzit jashtë në rrugë, se i ka marrë frika të tërë. Janë dëmtuar i gjithë fshati, dy-tre shtëpi janë më shumë të kërcënuara. Natën do ta kalojmë sërish jashtë në shi.

-Mbrëmë ka rënë tërmet aq i paparë, sa nuk kishte më. I morëm fëmijët, i nxorëm me urgjencë jashtë dhe i çuam të shtëpia e fëmijës. Neve na është prishur gjithë gjendja e brendshme, komplet. Shtëpia është jashtë përdorimit, nuk banohet më.

Natën e kemi kaluar lapidar, ishim 8 frymë. Një tërmet ka rënë në 20:05 minuta, një në orën 00:00, dhe një në orën 04:55. Ne nuk kemi ku të vemi, as që diskutohet se do të bjerë sërish. Këtu janë thuajse 5 shtëpi të pabanueshme. Nga bashkia erdhën mbrëmë 4 veta, unë nuk i lashë këtu.

Prononcimet e banorëve për Report Tv