தமிழ் சினிமாவில் சுமாரான படங்களையும் சூப்பர் ஹிட்டாக்குவது எப்படி என்ற வித்தையை சினிமாக்காரர்களுக்கே கற்றுத் தர ஆரம்பித்துள்ளனர் பாஜக தலைவர்கள். இதைப் பார்த்த மற்ற ஹீரோக்கள், தயாரிப்பாளர்களும் 'இதே பாணியில் எங்கள் படத்துக்கும் பப்ளிசிட்டி கொடுங்க... வசூல் பாத்துக்குறோம்.. கைவிட்டுடாதீங்க' என சீரியஸாகவே சொல்ல ஆரம்பித்துவிட்டனர். பாஜகவினரும் அதைப் பெருமையாக நினைத்துக் கொண்டு அடுத்தடுத்து படங்களைப் பற்றிப் பேசி வருகின்றனர். இரு தினங்களுக்கு முன்பு உதயநிதி ஸ்டாலின், "தமிழிசையும், ராஜாவும் எனது இப்படை வெல்லும் படத்துக்கும் பப்ளிசிட்டி தரவேண்டும்," என்று ஓபனாகப் பேச, உடனே ட்விட்டரில் உதயநிதியைக் கலாய்த்தார் ராஜா. இப்போது மீண்டும் ஒரு படத்தைக் கையிலெடுத்திருக்கிறார் தமிழிசை சௌந்தர்ராஜன். அது கமல் ஹாஸனின் விஸ்வரூபம் 2. இந்தப் படம் கடந்த மூன்று ஆண்டுகளாக கிடப்பிலிருக்கிறது. இந்த நிலையில் விஸ்வரூபம் 2 படத்துக்கு இலவச விளம்பரம் தேடத்தான் கமல் ஹாஸன் இந்து தீவிரவாதம் பற்றிப் பேசி வருகிறார் என்று தமிழிசை சௌந்தர்ராஜன் கருத்துத் தெரிவித்துள்ளார்.

Tamilisai Soundarrajan says that Kamal Haasan is speaking Hindu Terrorism to gain free publicity for his long delayed movie Viswaroopam 2.