Drejtoresha e Qendrës Zhvillimit Social në Shkodër, Juliana Cepi e infermierja e kësaj qendre, Aida Ymeraj, janë arrestuar sot me urdhër të Prokurorisë, të dyshuara për veprën penale të "Shpërdorimit të Detyrës". Arrestimi i tyre erdhi si rezultat i një hetimi 2-javor nga grupi hetimor.

Prokuroria e Shkodrës ka kryer hetimet, në bazë të të cilave ka rezultuar se ndaj pacientëve me sëmundje të shëndetit mendor në këtë qendër është ushtruar dhunë sistematike.