Subscribe në Ora News këtu http://bit.ly/1s5j7UT

Pas mediave të cilat e kanë quajtur injorant në histori, kryeministrit Edi Rama i vjen një përgjigje edhe nga minstria e Jashtme greke, e cila shprehet se udheheqja shqiptare ngatërron konceptin e rremë të historisë me detyrimet që ka për të mbrojtur minoritetin grek.
?Deklaratat përkatëse të bëra dje nga zyrtarët shqiptarë i referohen logjikave të vjetra, të cilat janë në kundërshtim të drejtpërdrejtë me standardet e aplikueshme për mbrojtjen e të drejtave të pakicave në vendet moderne, demokratike dhe europiane. Udhëheqja shqiptare ngatërron konceptin e gabuar që ka për historinë me angazhimet e Shqipërisë sipas të drejtës ndërkombëtare për të mbrojtur minoritetin autokton grek.?
Minsitria e Jashtme greke akuzon autoritetet shqiptare për dhunim të të drejtave të pakicave greke dhe njëkohësisht paralajmërojnë se kjo minon procesin e integrimit europian të vendit.
?Subjektet zyrtare shqiptare nuk mund të pretendojë Urbi et Orbi se të drejtat e pakicave respektohen në të gjithë territorin e Shqipërisë dhe në të njëjtën kohë shkelin aktin, gjë e cila minon kursin europian të vendit. Faktet flasin vetë: njoftimet për prishjen e ndërtesave, si pjesë e projektit të rizhvillimit të Himarës janë dërguar për të gjithë personat me oriogjinë greke. Kjo është një qasje e cila çon në përfundimin se ka një plan mashtrimi për minoritetin grek.?

Për më shumë lexoni në: http://www.oranews.tv/vendi/reagon-athina-po-ngaterroni-konceptet-e-rreme-te-historise/