E shkuara e kreut të institucionit kryesor të sekreteve në Shqipëri, Visho Ajazi Lika, është rrethuar gjithnjë me një tis misteri. Dyshimet për të shkurtën e mjegullt të kreut të SHISH, i kanë ngritur vetë anëtarët e Komisionit të Sigurisë Kombëtare, duke nisur që nga roli i paqartë në SHIK-un famëkeq të Bashkim Gazidedes, misionin në Riad të Arabisë Saudite, veprimtarinë në Kanada, në Barcelonë etj.

Por, më në fund, kreu i Shërbimit Informativ Shtetëror, Visho Ajazi Lika, ka thyer heshtjen, duke dhënë një version për të shkuarën e tij. Në faqen e rikonfiguruar të SHISH, kreu i institucionit të sekreteve, ka botuar jetëshkrimin e tij, duke u dhënë kësisoj një përgjigje zyrtare dyshimeve dhe pikëpyetjeve të ngritura prej katër vitesh rreth të shkuarës së tij.