TIRANË - Agjencia e kthimit dhe e kompensimit të pronave do të nisë procesin e kompensimit financiar të subjekteve të shpronësuara në muajin mars. Sipas ligjit i cili tashmë ka hyrë në fuqi, brenda 30 ditëve do të miratohen në këshillin e ministrave procedurat që do të ndiqen në ndarjen e fondit financiar financiar, si për fondin e mbledhur nga procesi i legalizimeve ashtu dhe për rastin e ndarjes së fondit të dhënë nga buxheti i shtetit. Burimet kanë bërë të ditur se tashmë prej Agjencisë së Kthimit dhe Kompensimit të Pronave janë propozuar 3 VKM si dhe formularët përkatës që kanë të bëjnë me zbatimin e ligjit të miratuar në Kuvend.