TIRANE- Të gjithë pensionistët që marrin sot kompensimin e energjisë elektrike prej 648 lekësh apo kanë aplikuar për ta marrë, të dhënat e tyre verifikohen nga insitucionet shtetërore. Kjo bëhet nga Instituti i Sigurimeve Shoqërore, Zyrat e Punës dhe Operatori i Shpërndarjes së Energjisë Elektrike. Çdo muaj bëhet kontroll i përfituesve të këtij kompensimi për të parë nëse ndonjëri nga familjarët kanë filluar punë, nëse pensionistët e paguajnë energjinë elektrike apo nëse kanë të ardhura të tjera. Sipas Institutit të Sigurimeve Shoqërore ndërpreja e kompensimit bëhet vetëm nëse të moshuarit kanë dorëzuar dokumente të pasakta.