http://www.vizionplus.tv
https://facebook.com/VizionPlusTV
https://twitter.com/VizionPlusTV
Ura në fshatin Likomil në qarkun Gjirokastrës, që lidh fshatrat përreth me qytetin, si pasojë e reshjeve të shiut është shkatërruar, duke e bërë të pamundur kalimin e automjeteve dhe izolimin e qindra banoreve. Koço Çavo, banor i kësaj zone tregon se prishja e urës e vështirëson shumë jetesën, pasi furnizimi me ushqime është i vështirë. Por ndërkohë gjysma e komunës ka të paktën 6 ditë pa energji elektrike ndërsa buxheti lokal nuk e përballon dot emergjencën. Reshjet e shiut kanë sjellë edhe një sërë problemesh edhe në periferi të Librazhdit. 12 banesat rrezikojnë të përmbyten si pasojë e prishjes së argjinaturës ne lumin Shkumbin. Një prej banorëve tregon se nuk ka mundësi të paguajnë qera për një shtëpi tjetër për familjen. Kryetari i Bashkisë thotë se është i domosdoshëm devijimi i rrjedhës se lumit.Reshjet e shiut që përfshinë qarkun e Gjirokastrës dhe Elbasanit që nga dita e shtunë shkaktuan shumë probleme.