http://www.vizionplus.tv
https://facebook.com/VizionPlusTV
https://twitter.com/VizionPlusTV
Mëngjesin i kësaj të marte dy të moshuara janë gjetur të pajeta në banesën e tyre në Durrës. Elsa Vava 75 vjeçe dhe Gjinivefa Vava 70 vjeçe, janë vrarë në mënyrë barbare me duart e lidhura dhe me fytyrën të mbuluar me qese plasmani. Ato banonin së bashku në katin e dytë të kësaj banese në lagjen 11 të qytetit, ndërsa i shërbenin një tjetër të moshuare të paralizuar, fqinje në katin e parë. Ngjarja natyrisht ka trondi8tur banoret. Të dy viktimat janë gjetur nga djali i njërës prej tyre, pikërisht i Elsës. Sapo ka shkuar në shtëpinë e nënës dhe ka parë krimin i biri ka njoftuar policinë. Dyshimet e para të policisë për këtë krim lidhen me ndonjë grabitje të mundshme. Për këtë janë shoqëruar dhe marrë në pyetje mbi 10 persona, të afërm, fqinj apo persona me precedentë penalë. Trupat e pajetë të dy të moshuarave janë transportuar drejt morgut të Durrësit për të vijuar me ekspertizën mjeko-ligjore. Hetimet po ndiqen nga prokurori i rrethit dhe ekspertët më të mirë.