http://www.vizionplus.tv
https://facebook.com/VizionPlusTV
https://twitter.com/VizionPlusTV
Rinis beteja e policisë me drogën ne veri te vendit. Pas spastrimit te 175 parcelave me rreth 87 mije rrënje kanabis,ne fshatrat e komunës Pult, policia e shtetit, forcat Renea dhe ato te ndërhyrjes se shpejte jane vendosur ne skajin tjetër te Dukagjinit. Grupi operacional ka udhëtuar mbi 7 ore per te ngritur kampingjet ne fshatin Sume, aty ku ka informacione per kultivim te lendeve narkotike. Gjate paradites se te martës, 150 forca policore kane hyre ne lagjet e fshatrave Pog dhe Xhan, ku kane asgjësuar 6 parcela te mbjella me kanabis. Ndërsa nga Tirana, Ministria e Mbrojtjes, Mimi Kodheli vlerësoi angazhimin e piloteve dhe forcave te mbrojtjes ne ketë operacion te rendesishem. Gjate nje takimi me ta, ministria shprehu mbështetjen e saj dhe qeverise ne misionin e vështire te forcave te mbrojtjes. Ndërkohë, policia e Shkodrës, pasditen e se hënës ka vene ne pranga 19-vjecarin Pal Dushku, i cili qëlloi me arme mbi helikopterët qe monitoronin nga ajri parcelat me kanabis si dhe kryeplakun e fshatit Pult Gjon Bungu, i cili nuk kishte njoftuar policinë per kultivimin e bimëve narkotike ne fshatin e tij.