http://www.vizionplus.tv
https://facebook.com/VizionPlusTV
https://twitter.com/VizionPlusTV
Ujërat e zeza kanë pushtuar fshatin Shtëpaj në komunën e Gostimës në Elbasan. Vërshimi i tyre rrugëve të fshatit gjatë kësaj stine ka shtuar erën e rëndë për shkak të ndotjes si dhe insekte të ndryshme. Shkak për këtë situatë janë punimet për ndërtimin e një vepre pranë zonës. Banorët kërkojnë zgjidhje urgjente pasi fëmijët po preken nga infeksione të ndryshme.Për specialistët e mjedisit në Elbasan kjo situatë rrezikon jetën e banorëve për shkak të mundësisë për përhapjen e ndonjë epidemie. Pas kësaj situate të lënë pas dore që prej 6 muajsh, kryetari i komunës Gostimë Qamil Boja premton se javën e ardhshme do të nisin punimet për restaurimin e kanaleve të ujërave të zeza.