http://www.vizionplus.tv
https://facebook.com/VizionPlusTV
https://twitter.com/VizionPlusTV
Dhjetëra hektarë me pisha në zonën e Fierit në Darzeze, janë zënë tashmë nga këto ndërtime pa leje që kanë lulëzuar në fillim të viteve '90, por që vazhdojnë ende. Madje, ndërtimet në masivin e pyllit janë disa katëshe dhe duket nuk do të ndalojnë pavarësisht pretendimeve të drejtuesve të pushtetit lokal. Banorët nga ana e tyre thonë se kanë ndërtuar shtëpi në kurorën me pisha pasi sipërfaqet e banimit në vite nuk kanë mjaftuar. Disa prej tyre të ardhur edhe në zona të tjera të vendit kanë aplikuar edhe për leje legalizimi, edhe pse kjo është një zonë turistike për të cilën nuk ka plan të miratuar urbanistik. Pjesa më e madhe e banorëve në fshatin Darzezë është shpërngulur këtu pas ndërtimit të hidrocentralit të Banjës në zonën e Gramshit, por vit pas viti kjo zonë është populluar edhe nga banorë të ardhura nga vise të tjera të vendit, që kanë përfituar edhe nga amullia sa i takon ndërtimeve pa leje