http://www.vizionplus.tv
https://facebook.com/VizionPlusTV
https://twitter.com/VizionPlusTV
Policia e Kukësit ka bllokuar sot në mëngjes 19 kilogramë bimë narkotike, të llojit hashash në një autoveturë, që po udhëtonte nga Tirana drejt Kosovës. Njoftimet e policisë bëjnë të ditur se droga u gjet e fshehur nën tapicerinë e automjetit në të cilin udhëtonin Romeo Dedmiri 30 vjeç, lindur dhe banues në Tiranë, si dhe të Aldo Xhafaj 23 vjeç edhe ky lindur e banues në Tiranë.Operacioni është zhvilluar në Autostradën e Kombit tek ura e Drinit të Bardhe, madje dhe operacioni ishte koduar po me këtë emër. Sipas hetimeve të para, hashashi kishte si vendmbërritje Kosovën dhe po tentohej të nxirrej përtej kufirit. Prokuroria ka nisur çështje penale ndaj dy të ndaluarve ndërsa hetimet janë shtrirë edhe në Kosovë për identifikimin e personave të tjerë, të përfshirë në këtë trafik.