http://www.vizionplus.tv
https://facebook.com/VizionPlusTV
https://twitter.com/VizionPlusTV
Opozita ka refuzuar të diskutoje çdo lloj ndryshimi ligjor në Inspektoratin e Larte të Deklarimit dhe Kontrollit të pasurisë për sa kohë që maxhoranca nuk tërheq nenin që i heq presidentit kompetencën e dekretimit të kandidateve për kryeinspektorë. Nënkryetari i komisionit të Ligjeve Bylykbashi deklaroi se zgjedhja e titullarit të ILDKP-së nga kuvendi cenon pavarësinë e këtij institucioni. Opozita ka bojkotuar komisionin ndërkohë që maxhoranca ka miratuar e vetme ndryshimet ligjore. Me propozimin e LSI-së është vendosur që kreu i ILDKP të zgjidhet nëpërmjet një gare të hapur dhe 3 kandidaturat më të votuara në komision do të shkojnë në seance plenare. Kreu i ILDKP-së zgjidhet me shumicë të thjeshtë për një mandat 5-vjeçar.