http://www.vizionplus.tv
https://facebook.com/VizionPlusTV
https://twitter.com/VizionPlusTV
Këto janë pamjet e bregdetit të Semanit, ku sasi të mëdha me mbetje sere dhe hidrokarburesh, qëndrojnë të grumbulluara këtu prej kohësh në njërin prej kanaleve shkarkues të zonës afër bregdetit të Adriatikut. Ndotja është e përmasave të mëdha dhe për këtë arsye gati gjithë fauna e zonës është e shkatërruar. Ajo që të frikëson më shumë është se nga çasti në çast, këto mbetje mund të përfundojnë në det ndërkohë që sezoni turistik nis pas pak javësh. Ndërkohë, panorama këtu bëhet edhe më e zymtë nga rëra e plazhit, e cila është e pushtuar nga mbetje të shumta. Drejtuesit e komunës Topojë, që ka nën administrim këtë territor, kërkojnë ndihmë pasi nuk kanë mundësi financiare për të përballuar pastrimin e vijës bregdetare.