http://www.vizionplus.tv
https://facebook.com/VizionPlusTV
https://twitter.com/VizionPlusTV
Vllaznia nuk arriti në 8 minutat e fundit të administronte fitoren në Kukës, atë fitore që i mungon prej 7 javësh dhe që e mban në vendet e fundit të rënies nga kategoria. Në javën e 22 të superligës, kuqeblutë për herë të parë pa teknikun Canaj në pankinë, gjithsesi morën një barazim me vlera 1-1 në fushën e vështirë të stadiumit "Zeqir Ymeri". Edhe pse me disa mungesa në të ashtuquajturin derbi i veriut, kuqeblutë ishin të parët që gjetën rrjetën në minutën e 13 me Dibrën. Ndërkohë vendasit arritën të kthenin gjithçka në baraspeshe vetëm në minutën e 82 me anë të Hysës. Vazhdon marshimi i Skënderbeut drejt titullit kampion duke mos u ndalur edhe në javën e 22 të superligës. Në Korçë skuadra e Mirel Joses mundi Kastriotin e vendit të fundit me rezultatin 3-1 duke u ngjitur në kuotën e 48 pikëve. Golat për vendasit mbajtën firmat e Muzakës, Pejic dhe Ribaj përpara se Çela të shënonte golin e nderit për krutanet. Ndërkohë Laçi fitoi 1-0 me Lushnjën duke forcuar pozitat në vendin e dytë në renditjen e përgjithshme. Kurbinasve u mjaftoi një gol që në minutën e 10 i shënuar nga Malo.