http://www.vizionplus.tv
https://facebook.com/VizionPlusTV
https://twitter.com/VizionPlusTV
Skënderbeu-Bylis 2-1Skënderbeu ecën i sigurt drejt titullit kampion të radhës, duke u shkëputur 11 pikë nga vendi i dytë, Laçi. Në mbyllje të fazës së dytë të Superligës, ekipi korçar ka mundur Bylisin e Ballshit me rezultatin 2 me 1.Laçi-Kastrioti 1-0Pasi është eliminuar nga gjysmëfinalet e kupës së Shqipërisë, Laçi i ka përqendruar energjitë në kampionat. Bardhezinjtë e drejtuar nga Stavri Nicës synojnë të shkojnë në Europë. Në përballjen me fqinjët e Krujës, vendosi një gol i Vucajt me penallti. U duk se faktori-fushë, dhe mbështetja e tifozërisë vendase, i ka dhënë zemër ekipit. Vendi i fundit në tabelë mbetet një realitet i hidhur për Deden dhe të tijtë.Vllaznia-Besa 0-0Shkodranët nuk bindin sërish. Edhe pse me shpresa të ringjallura, falë rikthimit në fushë të sulmuesit kroat Tomislav Bushiç, sërish Vllaznia nuk ka shkuar më shumë se një barazim me Besën e Kavajës.Lushnja-Flamurtari 2-4Flamurtari kishte gati 3 dekada pa fituar në përballjet me Lushnjën në stadiumin "Roza Haxhiu". Fitorja e qartë në javën e 22, theu edhe këtë ters për vlonjatët. 4 gola në fushën e lushnjarëve i ka ngjitur kuqezinjtë në vendin e shtatë dhe ti shpëtojnë për momentin zonës së rrezikut.Tirana-Kukësi 3-1Me një ecuri krejt tjetër nga ajo e vitit që lamë pas, Tirana përballoi një kundërshtar të fortë në këtë javë përmbyllëse të fazës së dytë. Bardheblutë mundën 3 me 1 ekipin e Kukësit, që vitin e kaluar bëri histori me ecurinë në kupat europiane.Teuta-Partizani 1-1Partizani i rikthyer në superiore me pretendime të mëdha këtë vit, nuk ja ka dalë të marrë më shumë se 1 pikë në Durrës. Të parët që shënuan ishin vendasit e Teutës, ndërsa në minutat shtesë, ishte Nderim Nexhipi që barazoi gjithçka në 1 me 1.