http://www.vizionplus.tv
https://facebook.com/VizionPlusTV
https://twitter.com/VizionPlusTV
Ky film është prodhim i vitit 1988 dhe është ndër më të njohurit e asaj kohe në Evrope! Por sa nga ne e kanë parë atë? Mbase shumë pak! "Rojet e Mjegullës" mban firmën e regjisorit nga Kosova Isa Qosja dhe u prodhua nën petkun e Jugosllavisë. Kinemaja e Kosovës ka kështu një histori dhjetëra vjeçare, e cila lulëzoi në fundin e viteve '60, edhe pse jo si një shtet i pavarur. Por njësoj si jeta, edhe tematikat e filmit aty ndryshuan pas luftës. Kjo është arsyeja, pse për herë të parë në Tirane i është kushtuar një javë e plotë filmit të Kosovës. Me prodhime të suksesshme apo të dobëta, kineastet bien dakot kur thonë se tashmë ka ardhur koha që të ketë vetëm një Kinema Shqiptare, duke bërë që bashkë të prezantojmë një produkt më të shitshem nderkombëtarish. Java e Filmit Kosovar në Tirane sjell kështu deri më 16 Maj 8 filma, 3 me metrazh të gjatë dhe 5 të shkurtër, të cilat shfaqen në Arkivin Qendror të Filmit dhe Muzeun Historik  Kombëtar.