http://www.vizionplus.tv
https://facebook.com/VizionPlusTV
https://twitter.com/VizionPlusTV
Shifra të frikshme vijnë nga Britania e Madhe për trafikimin e fëmijëve, një pjesë e madhe e të cilëve raportohen se janë shqiptarë. Sipas një raporti të Agjencisë Kombëtare të Krimit, përgjatë 2013-ës janë trafikuar 450 fëmijë, 56 prej të cilëve janë shqiptarë. Sipas NCA, qëllimi i trafikimit të fëmijëve nuk ka qenë vetëm abuzimi seksual, por edhe shfrytëzimi për punë të ndryshme apo veprimtari kriminale. Ndërsa në total, raportohet se rreth një mijë e 800 persona nga 112 vende të ndryshme janë trafikuar për qëllime të ndryshme në Britaninë e Madhe gjatë vitit që shkoi, duke shënuar një rritje me 47 për qind me 2012-ën. Nga këta, 259 janë shqiptarë, duke shënuar edhe numrin më të lartë të personave të rritur, me të cilët është abuzuar në forma të ndryshme.