http://www.vizionplus.tv
https://facebook.com/VizionPlusTV
https://twitter.com/VizionPlusTV
Nën masa të rrepta sigurie, në Kosovë po mbahen zgjedhjet në tre vendvotime në komunën e Mitrovicës Veriore. Policia e Kosovës, EULEX dhe KFOR ndodhen shumë pranë këtyre qendrave në gjendje gatishmërie për të mbarëvjatur këtë proces. Sipas mediave, deri më tani pjesëmarrja në këto qendra ka qenë relativisht e ulët. Përsëritja e votimeve në këto tri vendvotime, vjen si pasojë e dhunës së ushtruar nga eksponentë te një grupi serb të quajtur "Mbrojtja Civile", të cilët morën materialet zgjedhore dhe i dogjën. Ata shkatërruan edhe ambientet e qendrave te votimit. Pre e këtij agresioni kane rene edhe vëzhguesit vendas e ndërkombëtar, fatmirësisht pa lëndime serioze. Ndërkohë balotazhi ne 25 komuna ne Kosove për zgjedhjet lokale, te cilat për here te pare u mbajtën ne te gjithë territorin e vendit, do te organizohet me 1 dhjetor.