Tirane- Diplomati Italian i ka bërë apel qeverisë që të zgjidh çështjen e pronësisë pasi kjo po largon investitorët.

Në ditën e fundit të javës italiane ambasadori Italian në Shqipëri Massimo Gaini kërkoi gjithashtu zbatimin e rregullave në dhënien e koncesioneve.

Pika e parë e rëndësishme është rregulla të qarta e të barabarta nëse këkohet një plan biznesi dhe të investohet.

"Qeveria na shpjegon shpesh që kemi një sistem gjyqësor të pavarur që jo shpesh i përgjigjet sugjerimeve të qeverisë dhe për këtë arsye janë të nevojshme rregulla të qarta që do të lehtësonin punën e sipërmarrësve probleme ka gjithashtu me çështjet e pronësisë dhe të koncesioneve.

Prona është pika kyçe për një investitor dhe duhet të gjejë zgjidhje pasi nëse nuk ka titujt të rregullt pronësie kjo shkakton vështirësi tëk investitorët e huaj." U shpreh ambasadori Italian.

Nga ana e tij Ministri i Zhvillimit Ekonomik, Tregtisë dhe Sipërmarrjes Arben Ahmetaj pranoi se ka probleme por premtoi se po punohet për zgjidhjen e tyre.

Ndër të tjera ministri i MZHETS bëri me dije se ashumë shpejt do të ndërtohen zona industriale në Spitallë të Durrësit.

Nga ana e saj drejtoresha e doganave Elisa Spiropali deklaroi se administrata që ajo drejton po punon për të ulur burokracitë .