Ministrja Kodheli ka deklaruar se Opozita nuk ka asnjë fakt dhe bazë për akuzat e saj se ushtria është e implikuar në trafik droge, ndërsa i kërkoi Prokurorisë të mos flejë mbi dosjet e dorëzuara për paraardhësin e saj. Ndërkaq Imami replikoi duke i kërkuar të mos bëhet presion mbi Prokurorinë, por të reagojë nëse ka dijeni për ato që thotë Opozita, për disa baza ushtarake në vend..
Ndërkaq replika të ashpra por edhe batuta janë shkëmbyer mes Berishës e Ramës. Ndërsa Meta si gjithnjë mes dy liderve kundërshtarë me batutat e tij ja ka dalë të çtensionojë debatin. Meta theksoi se avionët për të cilët flet Opozita janë ata që spërkasin zona të ndryshme për mushkonja e jo avionë me drogë.