TIRANË - Mbrojtja e konsumatorit shqiptar ka qenë e mangët gjatë dy viteve të fundit sidomos në sektorin bankar.

Këto të dhëna janë publikuar në një studim të GIZ-it mbi sektorin bankar në marrëdhënie me klientët për vitin 2012.

Ministri i Zhvillimit Ekonomik, Arben Ahmetaj tha se, "qeveria do të ndërmarrë politika të reja për konsumatorët në dobi të rritjes ekonomike".

Bankave private u është kërkuar rritje të informacionit për shërbimet ndaj konsumatorëve, si dhe njohjen e tyre edhe me të gjitha shërbimet që ofrojnë kompanitë e sigurimit.