نروح لواقعة تسمم اكتر من ٤٠٠ طالب بالمدينة الجامعية لجامعة الازهر، واللي تستاهل تقوم الدنيا وما تقعدهاش من امبارح للنهاردة.. بس الدنيا اللي قامت وما قعدتش من امبارح للنهاردة مش بس احتجاجاً على اهمال ادارة الجامعة اللي كان هيجيب اجل الطلبة لولا ان ربنا ستر وقدر ولطف ولا بس للمطالبة بسرعة التحقيق ولا بس للمطالبة باقالة رئيس الجامعة والمسئولين.. لكن الدنيا قامت ولسة ما قعدتش كمان لان فيه اصوات كتير بدات تعلى لتحميل شيخ الازهر المسئولية لحد المطالبة باقالته في مقابل اصوات تانية بدات تعلى لوصف الزج بالشيخ الازهر بانه انتهازية سياسية وتصفية حسابات لحد وصف الواقعة من طقطق لسلام عليكوا بانه مؤامرة اخوانية على الازهر الشريف ومخطط للاطاحة بشيخ الازهر والله اعلم