محكمة القضاء الاداري كانت بتنظر النهاردة كمان في قضيتين على نفس المستوى من الاهمية والاتنين يخصوا اتنين من مرشحين الرئاسة.. الأولى تخص جنسية والدة الشيخ حازم ابو اسماعيل والتانية تخص الموقف القانوني للمهندس خيرت الشاطر.. والاتنين اتاجلوا لبكرة.. بالنسبة لقضية الشيخ ابو اسماعيل، ومع انها اتاجلت لبكرة الا ان انصاره واعضاء حملته اعتبروا اللي حصل النهاردة نصرة كبيرة، خاصة بعد ما أكد محامى هيئة قضايا الدولة الحاضر عن الحكومة المصرية على أن وزيرى الداخلية والخارجية ما اصدروش اي قرارات تفيد بأن والدة الشيخ حازم صلاح أبو إسماعيل، تحمل الجنسية الأمريكية، وأن وزارة الداخلية أخطرت بس اللجنة العليا للانتخابات الرئاسية بأنها دخلت وخرجت من من مصر اكتر من مرة بوثيقة سفر أمريكية مش بجواز سفر أمريكى، ما قدمتش اي شهادات تتعلق بالاطلاع على الجنسية الأمريكية.