اكيد انت مش لوحدك، وخصوصاً لو كنت واحد أو واحدة من اللي اختاروا بكامل ارادتهم وبكامل قواهم العقلية والانسانية انهم يدوقوا مواجع المصابين وأهالي الشهدا على الأقل عشان يطمنوا انهم مش لوحدهم في الحزن وفي الهم وفي وجع القلب وشيل الحمول.. لو كنت واحد أو واحدة من الجنود المجهولين دول، من حقك انت كمان تتأكد انك مش لوحدك وان كربك زيه زي كرب ناس كتير زيك وان الكرب صحيح مش بيزول بالساهل لكن اكيد بيهون لما تهرف انك مش لوحدك وان فيه زيك كتير من ضمنهم:

- أمينة زكي
- جاين فهمي
- أحمد البحار
- الدكتورة/ منال عمر: استشاري الطب النفسي وعضو المبادرة المجتمعية لعلاج اضطراب كرب ما بعد الصدمة اللي هم برده مجموعة من الناس بالصدفة أطباء نفسيين قرروا بكامل ارادتهم يكونوا جزء من كرب المكروبين لعل وعسى يهون على ايديهم.. ودة كمان مش بالساهل