ચીને પહેલીવાર પાકિસ્તાન સમર્થિત આતંકવાદ વિરુદ્ધ નક્કર પગલાં લીધાં છે. સંયુક્ત રાષ્ટ્ર (UN) એ લશ્કર-એ-તૈયબાના ડેપ્યુટી અમીર અબ્દુલ રહેમાન મક્કીને આંતરરાષ્ટ્રીય આતંકવાદી જાહેર કર્યો છે. અત્યાર સુધી ચીન આ પ્રસ્તાવને અટકાવી રહ્યું હતું. મક્કી પાકિસ્તાની નાગરિક છે અને તે લશ્કરના નેતા હાફિઝ સઈદનો સંબંધી પણ છે. ગયા વર્ષે જૂનમાં પણ ભારત અને અમેરિકાએ પાકિસ્તાની લશ્કરના ટોચના આતંકવાદીને વૈશ્વિક આતંકવાદી જાહેર કરવાનો સંયુક્ત પ્રસ્તાવ મૂક્યો હતો, જેને ચીને અવરોધ્યો હતો. અમેરિકાએ મક્કીને આતંકવાદી જાહેર કર્યો છે. 75 વર્ષના મક્કી લશ્કર-એ-તૈયબામાં ઘણી મહત્વપૂર્ણ ભૂમિકાઓ ભજવી રહ્યો છે. ભારત અને અમેરિકા બંનેએ પોતપોતાના દેશના કાયદા હેઠળ મક્કીને આતંકવાદી જાહેર કર્યો છે.