సిద్దిపేట జిల్లా హుస్నాబాద్‌లో ఉద్రిక్త పరిస్థితులు నెలకొన్నాయి. అక్కన్నపేట మండలం గుడాటిపల్లిలో గౌరవెల్లి ప్రాజెక్టు నిర్వాసితుల ఆందోళన కొనసాగుతోంది. నిన్న రాత్రి అరెస్టు చేసిన వారిని విడిచిపెట్టాలంటూ హుస్నాబాద్‌లోని ప్రభుత్వ కార్యాలయాల ఎదుట నిరసన తెలిపేందుకు భారీగా గౌరవెల్లి ప్రాజెక్టు భూనిర్వాసితులు తరలివచ్చారు. దీంతో హుస్నాబాద్ ఎల్లమ్మ చెరువు వద్ద నిర్వాసితులకు పోలీసులకు మధ్య తోపులాట నేపథ్యంలో లాఠీచార్జ్ జరిగింది. ఈ క్రమంలోనే కొందరిని పోలీసులు అరెస్టు చేశారు.