Në një deklaratë për mediat, deputetja Rudina Hajdari foli për propozimin e opozitës parlamentare për listat e hapura të cilën do ta depozitojnë sot në Parlament.

Ajo tha se ka kërkuar për heqjen e pragut zgjedhor.

"Kemi nënshkruar një propozim për listat 100 përqind të hapura dhe depozitohet sot në Kuvend. Për ta bërë këtë propozim kemi nënshkruar një dokument. Presim bashkimin e deputetëve të opozitës parlamentare. Ftoj të gjithë opozitën të nënshkruajnë këtë propozim që do të hapë 100 përqind listat. Ajo që është e rëndësishme është vota e qytetarëve e cila është prioritet në mënyrën e llogaritjes së mandateve. Kemi kërkuar që pragu zgjedhor të hiqet. Do njiheni shpejt me dokumentin" - tha Hajdari.