TIRANË- Një 45 vjeçar është plagosur me armë zjarri në këmbë, pas një konflikti të çastit. Ngjarja ka ndodhur në rrugën "Teodor Keko", ku dyshohet se 45 vjeçari Spartak Beqaraj është qëlluar me armë nga fqinji i tij pas një zënke në lokal. 

Spartak Beqaraj, i cili është transportuar për në spital dhe ndodhet jashtë rrezikut për jetën. Policia ka identifikuar autorin dhe po punon për kapjen e tij, i cili menjëherë pas plagosjes është larguar nga vendngjarja. Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve.